"Barkamol avlod" bolalar maktablarida "Faol bolalar oyligi" e'lon qilindi

✅Xabaringiz bor, joriy yilning 24-yanvar kunidan boshlab bir oy muddatga barcha ta'lim muassasalarida oʻquv jarayoni “Online” shaklga oʻtkazildi.

📣Shu munosabat bilan, Respublika "Barkamol avlod" bolalar maktabi tomonidan o‘quvchi-yoshlarning bo‘sh vaqtlarini mazmunli tashkil etish maqsadida joriy yilning 26-yanvar kunidan 26-fevral kuniga qadar barcha "Barkamol avlod" bolalar maktablarida "Faol bolalar oyligi" e'lon qilindi.

"Barkamol avlod" bolalar maktablarida "Faol bolalar oyligi" doirasida:
💻 7 yo‘nalishda 65 nomdagi online to'garaklar bilan ishlash;
💡 Beshta muhim tashabbus doirasida turkum online-tadbir hamda 10 ga yaqin online ko‘rik-tanlovlar tashkil etish va 2 ming nafar ishtirokchilarni qamrab olish;
👬 O'quvchilar qamrovini oshirish bo'yicha 10 dan ortiq online o'quv seminarlar, o'quv trening hamda master klasslar tashkil etish va ming nafarga yaqin pedagog kadrlar ishtirokini ta’minlash;
🖥 2021-yilda amalga oshirilgan ishlar sarhisobi hamda 2022-yildagi istiqbolli vazifalar bo'yicha 217 ta "Barkamol avlod" bolalar maktablari bilan videokonferensiya o'tkazish rejalashtirilgan.

☝️"Faol bolalar oyligi"da belgilangan tadbirlar o‘quvchilarni qiziqishini yanada oshirish maqsadida, professional mutaxasislar ishtirokida seminarlar, treninglar hamda online-tanlovlarni tashkil etish nazarda tutiladi.

🏆O'tkaziladigan online-tanlovda, maktablarning kreativ va faol o‘quvchilari munosib taqdirlanishi ko'zda tutilgan.